हेटौंडा/ जिल्ला प्रहरी कार्यालय मकवानपुरले अबैध लागूऔषधसहित दुईजनालाई पक्राउ गरेको छ । प्रहरीले हेटौंडा–४ मा सवारी चेकजाँच गर्नेक्रममा सोही स्थानका अनिलकुमार तामाङ र हेटौंडा बसपार्कमा छड्के गर्दा २३ वर्षीय अनिश तामाङलाई पक्राउ गरेको हो ।
प्रहरीले बा. २४ प ४५९५ को मोटरसाइकल चेकजाँच गर्ने क्रममा हेटौंडा–४ का ३४ वर्षीय अनिल साथबाट लुकाएर राखेको लागूऔषध नाईट्रोभेट ४८ ट्याब्लेट फेला परेको थियो । हेटौंडा बसपार्कमा बाहिर बसिरहेको अवस्थामा प्रहरीले चेकजाँच गर्दा अनिसको साथबाट प्रहरीले लागूऔषध नाईट्रोभेट ६९ थान ट्याब्लेट फेला पारेको थियो । उनीहरु दुवैलाई प्रहरीले अनुसन्धान गरिरहेको छ ।
यसैगरी, मकवानपुर प्रहरीले जिल्ला अदालतले गरेको फैसलालाई वेवास्ता गर्दै फरार रहेको दुईजनालाई फक्राउ गरेको छ । प्रहरीले वन मुद्धामा जरिवना भुक्तान गर्न बाँकी रहेका हेटौंडा–१५ का ५० वर्षीय अमृत स्याङ्तान र सोही स्थानका ५२ वर्षीय सुके राय लो भन्ने दिपक लोलाई पक्राउ गरेको हो । फैसला कार्यान्वयन गर्न उनीहरुलाई जिल्ला अदालतमा उपस्थित गराइएको छ ।
