ग्रामीण बहुउद्देश्यीय सहकारी संस्था लिमिटेडको अध्यक्षमा राजु अधिकारी सर्वसम्मत निर्वाचित भएका छन् ।
युवा व्यवसायी तथा उद्योग बाणिज्य संघ मकवानपुरका उपाध्यक्ष समेत रहेका अधिकारी शनिबार हेटौंडामा भएको संस्थाको २४ औं वार्षिक साधारणसभा तथा आठौं अधिवेशनबाट अध्यक्ष सर्वसम्मत चयन भएका हुन् ।
समिति उपाध्यक्षमा बालकृष्ण न्यौपाने, सचिव रविन ढकाल, कोषाध्यक्ष राजेन्द्रप्रसाद पुडासैनी, सहसचिव शंकरप्रसाद रोक्का निर्विरोध निर्वाचित भएका छन् । समिति सदस्यहरुमा गोविन्द सापकोटा, जयराम अर्याल, प्रदीप अधिकारी, कृष्णप्रसाद घिमिरे, गीता कोइराला र प्रभाकर पुडासैनी चयन भएका छन् ।
अधिवेशनले लेखा तथा सुपरिवेक्षण समिति संयोजकमा पूर्णप्रसाद पुडासैनी चयन भएका छन् । समिति सदस्यहरुमा धर्मराज ढकाल र कुवेर पोखरेल चयन भएका छन् ।
जिल्ला समन्वय समिति मकवानपुरका प्रमुख ललित घलानको प्रमुख आतिथ्यता तथा अध्यक्ष प्रतिमा श्रेष्ठको सभाध्यक्षतामा अधिवेशन भएको थियो ।
साधारणसभाको उद्घाटन समारोहमा विभिन्न विधाका उत्कृष्टहरुलाई सम्मानित गरिएको थियो ।
