जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक लक्ष्मी भण्डारीका अनुसार जिल्ला अदालत मकवानपुरले ३ दिनको म्याद थप गरी ४ जनालाई प्रहरी हिरासतमा राखि अनुसन्धान गर्न समय दिएको जानकारी दिए ।
प्रहरी कार्यालयका अनुसार घटनामा संलग्न भएकाहरुलाई सीसीटीभी फुटेजका आधारमा विहीबार ४ जनालाई पक्राउ गरिएको थियो । अन्यको खोजी भइरहेको उनले बताए ।
गत साउन २५ गते डेंगु संक्रमणका कारण हेटौंडा–१२ का राजेश प्रधानको मृत्युको विषयलाई लिएर डाक्टरहरु माथि हातपात भएको थियो । प्रधानको चितवन मेडिकल कलेजमा उपचारको क्रममा मृत्यु भएको थियो । त्यसअघि हेटौंडा–१ स्थित उक्र अस्पतालमा उपचारका लागि भर्न भएका प्रधान थप उपचारका लागि भरतपुर गएका थिए ।
