निर्माण सामग्री व्यवसायी संघ मकवानपुरले आफ्नो वार्षिक क्यालेण्डर सार्वजनिक गरेको छ ।
संघले बुधबार हेटौंडामा औपचारिक कार्यक्रम आयोजना गरी वार्षिक योजनासहित नयाँ वर्ष २०८० को क्यालेण्डर सार्वजनिक गरेको हो ।
लामो समयदेखि निर्माण सामग्री व्यवसायीको हितमा काम गरेको संस्थाले आगामी वर्ष थप कार्यक्रम आयोजना गर्ने तयारी गरेको संघका सचिव सुदिप तिमिल्सनाले जानकारी दिए ।
क्यालेण्डर सार्वजनिक लगत्तै बसेको संघको वैठकले कार्यसमितिलाई समेत पूर्णता दिएको छ । संघको रिक्त रहेको सहसचिव पदमा सुवास दाहाल र कार्यसमिति सदस्यमा राजकुमार कार्कीलाई चयन गरेको छ । अब समिति १३ सदस्यीय भएको सचिव तिमल्सिनाले जानकारी दिए ।
संघ अध्यक्ष बालकृष्ण बजागाईंको सभाध्यक्षतामा कार्यक्रम भएको हो ।
