हेटौंडा-८ का अर्का वडाध्यक्षका एक उम्मेदवारले पनि नेपाली कांग्रेस नेतृत्व गठबन्धनका उम्मेदवारलाई समर्थन गरेका छन् ।
हेटौंडा-८ का सनातन नेपाली पार्टीका उम्मेदवार ध्यान बहादुर क्षेत्री नै कांग्रेस नेतृत्व गठबन्धनका उम्मेदवार राम थापालाई समर्थन गर्दै मत मागिरहेका हुन् । सचेत नेपाली पार्टीबाट वडा अध्यक्षका उम्मेदवार बनेका क्षेत्रीले कांग्रेसका वडा अध्यक्षका उम्मेदवार थापालाई भोट मागिरहेका छन् ।
क्षेत्रीले नेपाली कांग्रेस नेतृत्व गठबन्धनका वडा अध्यक्षका साझा उम्मेदवार राम थापालाई तन, मन, बचनले सहयोग गर्ने निर्णय गरेको बताए । यस अघि कमल थापा नेतृत्वको राप्रपा नेपालका अर्जुन ढुङ्गाना र अर्का स्वतन्त्र उम्मेदवार राम बहादुर घतानी सागरले पनि थापालाई समर्थन गरिसकेका छन् ।
वडा नम्बर ८ मा नेपाली कांग्रेस,माओवादी केन्द्र,नेकपा एस,राप्रपा,जसपा संयुक्त रुपमा चुनावी मैदानमा रहेका छन् भने एमाले एकल चुनावी मैदानमा होमिएको छ। ।