लायन्स क्लब अफ हेटौंडाको आयोजनमा सञ्चालित १ दिने निःशुल्क बृहत् स्वास्थ्य शिविर सम्पन्न भएको छ ।
मकवानपुरको मनहरी गाउँपालिका–३, शिद्धकाली, मकवानपुरमा मदन भण्डारी स्वास्थ्य विज्ञान प्रतिष्ठान, हेटौंडा अस्पतालका डाक्टरहरुले शिविरमा परीक्षण गरेका थिए । शिविरमा एमडीजीपी, स्त्री तथा प्रसुती र नाक, कान तथा घाँटी रोगको जाँच गरी सेवग्राहीहरुलाई औषधी समेत वितरण गरिएको थियो ।
स्वस्थ्य शिविरमा २ सय ६४ जनाले सेवा लिएका थिए । कार्यक्रमको सभाध्यक्ष क्लबका अध्यक्ष रमेश गिरी रहेका थिए । शिविरमा प्रमुख अतिथि मनहरी गाउँपालिकाका अध्यक्ष रन्जन कालाखेती, लायन्स क्लबका पीएमजेएफ शुदर्शन अधिकारि, जोन चियर पर्सन राजु नेपाल, स्कुल व्यवस्थपन समितिका अध्यक्ष प्रधानाध्यापक वडाका जनप्रतिनिधि सहभागी थिए ।
क्लबका प्रथम उपाध्यक्ष हरिवंश भेटुवालले स्वागत मन्तब्य व्यक्त गरेका थिए । क्लब सचिव रामकृष्ण चौलागाईंले संचालन गरेको शिविरको संयोजक क्लबका कोषाध्यक्ष तथा युवा व्यवसायी प्रदिप अर्याल रहेका थिए ।
