काठमाडौं/हुन्डाईले आफ्नो नयाँ इलेक्ट्रिक कार नेपालमा सार्वजनिक गर्ने भएको छ । नेपाल स्थिति हुन्डाईको बिक्रेता कम्पनी लक्ष्मी इन्टरकन्टिनेन्टलले आयोनिक फाइभ नेपाली बजारमा उपलब्ध गराउने भएको हो ।
हुन्डाईको कोना इलेक्ट्रिक कारले राम्रो लोकप्रियता कमाएसँगै कम्पनीले यो नयाँ कार ल्याउन लागेको को हो । कम्पनीले हुन्डाई अल न्यु बोल्ड, युनिक र डाइनामिक आयोनिक फाइभ नेपाल भित्र्याइसकेको छ । आकर्षक फिचर र लुक्स रहेको यो कार अबको केही दिन भित्र औपचारिक रुपमा सार्वजनिक हुँदैछ । रियर ह्विल ड्राइभ रहेको यो कारमा सोलार एन्ड भिजन रूफ, भेहिकल टु लोड (भीटुएल) फिचर, एम्बिएन्ट मोड, पावर टेलगेट, रेन सेन्सिङ वाइपर, ब्लाइन्ड स्पट भ्यु मनिटर र भ्वाइस रिकग्निसन भेइकल कन्ट्रोल जस्ता फिचर रहेका छन् ।
