हेटौंडा अस्पताललाई मदन भण्डारी प्रतिष्ठानअन्तर्गत राखेकोमा दलहरुको विरोध प्रदर्शन

अहिले ५ बजे प्रदेशसभा बैठकमा आगामी आर्थिक वर्ष २०८१/०८२ को विनियोजन विधेयक (बजेट) प्रस्तुत हुँदैछ । हेटौंडा अस्पताललाई मदन भण्डारी स्वास्थ्य विज्ञान प्रतिष्ठानअन्तर्गत राखेर प्रादेशिक अस्पतालको रुपमा विकास गर्ने विषयमा बजेट विनियोजन नगर्न दबाब दिने उद्देश्यले आन्दोलन गरिएको कांग्रेस मकवानपुर सभापति बुद्ध लामाले जानकारी दिए ।

उनले भने, 'हेटौंडा अस्पताललाई प्रादेशिक अस्पतालको रुपमा विकास गर्नुपर्छ । त्यसमा हाम्रो कुनै आपत्ति छैन । तर हेटौंडा अस्पताल मदन भण्डारी स्वास्थ्य विज्ञान प्रतिष्ठानअन्तर्गत हुनु हुँदैन भन्ने हाम्रो माग रहेको छ ।'

ब्यानर, प्लेकार्डसहित प्रदेशसभा भवन अगाडि प्रदर्शनमा कांग्रेस, माओवादी केन्द्र, एकीकृत समाजवादी, राप्रपाका नेता कार्यकर्ताहरु र सत्ता पक्षका सांसदहरुसमेत उपस्थित छन् ।