हेटौंडा/ मकवानपुरमा सक्रिय कोरोना संक्रमितको संख्या एकहजार नाघेको छ ।
बुधबार जिल्लामा २ सय ४६ जना कोरोना संक्रमित थपिएसँगै जिल्लामा सक्रिय संक्रमितको संख्या एक हजारभन्दा धेरै भएको हो । जिल्ला स्वास्थ्य कार्यालय मकवानपुरका अनुसार अब सक्रिय संक्रमितको संख्या १ हजार ९० पुगेको छ ।
कार्यालयका अनुसार पछिल्लो २४ घण्टामा पीसीआर विधिबाट १ सय ९२ जनाको स्वाब परीक्षण गर्दा १ सय ५५ जनामा कोरोना भाइरस संक्रमण पुष्टि भएको छ भने एन्टिजेन विधिबाट १ सय ४५ जनाको स्वाब परीक्षण गर्दा ९१ जनामा संक्रमण पुष्टि भएको छ ।
जिल्लामा सक्रिय संक्रमितको संख्या बढेपनि संस्थागत आइसोलेसनमा बस्नेको संख्या ज्याँदै न्यून रहेको छ । अधिकांश संक्रमित घरमै बसिरहेका छन् । उनीहरुको उपचारमा स्थानीय तहले भने कुनै चासो देखाएको छैन ।
